totoismo

September 6, 2018. by

‘A vita

‘A vita è bella, si, è stato un dono,
un dono che ti ha fatto la natura.
Ma quanno po’ sta vita è na sciagura,
vuie mm’ ‘o chiammate dono chisto ccà ?

 

E nun parlo pe me ca, stuorto o muorto,
riesco a mm’abbuscà na mille lire.
Tengo ‘a salute, e, non faccio per dire,
songo uno ‘e chille ca se fire ‘e fà .

 

Ma quante n’aggio visto ‘e disgraziate:
cecate, ciunche, scieme, sordomute.
Gente ca nun ha visto e maie avuto
nu poco ‘e bbene ‘a chesta umanità .

 

Guerre, miseria, famma, malatie,
cristiane addeventate pelle e ossa,
e tanta gioventù c’ ‘o culo ‘a fossa.
Chisto nun è nu dono, è ‘nfamità .

- comment ( 0 )

- leave a comment

Follow by Email
Facebook
Google+
https://www.giocasamassima.it/totoismo">
Twitter